“Digital Spy” saytı məlumat verir ki, Ceyms Kemeron “Avatar” filminin davamının olub-olmayacağı barədə verilən sualı cavablandırıb. Rejissor təsdiqləyib ki, filmin ardını çəkmək barədə düşünüb: “Biz lap əvvəldən filmin ikinci seriyasının çəkilməsi barədə planımız olub”. Məşhur rejissor bildirib ki, yaradılmış aləmi inkişaf etdirmək üçün ona böyük məbləğdə vəsait lazımdır. Rəqəmsal personajların, bitkilərin, dağ və sairə obyektlərin yaradılmasına böyük məbləğdə kapital yatıracaqlarını vurğulayan C.Kemeron əlavə edib ki, baza var və işi davam etdirməyi düşünürlər.