Hollivud ulduzları Ancelina Coli ilə Bred Pitt yenidən birlikdədirlər. 
Azeroo-com xəbər portalının məlumatına görə, bu haqda «Daily Mail» qəzeti yazır. Son günlər ulduz cütlüyün boşanmaq üzrə olması haqda xəbərlərin bir-birini əvəz etdiyi vaxtda Coli ilə Pitt nəinki insanların qarşısına çıxmaqla kifayətlənib, hətta stadiona toplaşanların gözləri qarşısında öpüşüblər.

Bu, Amerika futbolu üzrə super kubokun final qarşılaşması zamanı baş verib. Meydana bir çox Hollivud ulduzları toplaşsa da, insanların əsas diqqəti məhz bu cütlükdə olub. 8 yaşlı oğlanlarını da özləri ilə birlikdə oyuna gətirmiş Coli ilə Pitt sevimli komandalarının qələbəsini hamının gözü qarşısında öpüşməklə qeyd ediblər. Ulduz cütlük bununla boşanma haqda məlumatların yalan olduğunu da göstərib.

Qeyd edək ki, Coli və Pittlə yanaşı, matçı izləyənlər arasında Tom Kruz və Keti Holms, Demi Mur və Eşton Katçer, Cennifer Lopes və Mark Entoni də olublar.