Yaşar Nurinin vətənə dönəcəyi gözlənilir

dostuna gönder

azeroosaytlarım-a elave et

balaca yazı | esl yazı | böyük yazı

25 May,2008

ANS TV-nin yaydığı məlumata görə, aktyoru müalicə edən həkimlərin fikrincə, Yaşar Nuri bir müddət Türkiyədə qalıb müalicəsini davam etdirməlidir. Xalq artisti, bu çətin günlərində onu yalnız qoymayan bütün dostlarına, tanışlarına öz minnətdarlığını bildirib.

“Bu, ikinci dəfədir məni ruhlandırlar. İlk dəfə səhnəyə çıxanda məni çox ruhlandırıblar, axırı pis olmadı. Bir də əməliyyata gedəndə məni çox ruhlandırdılar. Onun da nəticəsi göz qabağındadır” – deyə Xalq artisti Yaşar Nuri bildirib.

Xalq artisti əməliyyatdan sonra özünü həm mənəvi, həm də fiziki cəhətdən çox yaxşı his edir. Amma ona narahatlıq gətirən başqa bir amil var- Vətən həsrəti. Aktyor deyir ki, qardaş Türkiyədə olmasına, ətrafındakıların qayğısına baxmayaraq, fikri ancaq Azərbaycandadır.

“Məndən olsa, bir quş olub gəlib Azərbaycana dəyib qayıdardım. Amma nə vaxt desələr, nə vaxt Allah buyursa, yerdəkilər də ona əməl etsə, qayıdaram” – deyə Xalq artisti əlavə edib.

Xatırladaq ki, ötən ilin sonlarında Yaşar Nurinin qara ciyərində yaranan ciddi problemlər səbəbindən o, Neftçilər xəstəxanasına yerləşdirilmişdi. Amma uzun müddətli müalicə heç bir nəticə vermədiyindən, fevral ayında xalq artisti İstanbul memorial xəstəxanasına yerləşdirilmişdi. İndi prostat vəzində keçirdiyi əməliyyatdan sonra ona yeni qara ciyər köçürülüb. Xalq artistinin səhhəti normaldır və yaxın günlərdə Bakıya dönəcəyi gözlənilir.