Azərbaycanda ilk dəfə “İRƏLİ” İctimai Birliyi (İB) və “iStudio” bədii foto məktəbinin təşkilatçılığı ilə Foto və Sənət düşərgəsi keçiriləcək.
“İrəli” İB-dən verilən məlumata görə, avqustun 26-29-da Oğuz rayonunda təşkil olunacaq düşərgədə xüsusi istedada malik olan 40 fəal gənc iştirak edəcək.
Düşərgənin məqsədi gənclərə peşəkar təlimçilər tərəfindən treninqlərin keçirilməsi, gəncləri maraqlandıran layihələrin müəyyən olunaraq onların dəstəklənməsi üçün mexanizmlərin araşdırılması, yaradıcı gənclərin şəbəkəsinin yaradılması yolu ilə gələcəkdə sənətyönümlü layihələrin sayının artırılması və s.-dir.
Layihə bu yay ərzində “İRƏLİ” İctimai Birliyi tərəfindən reallaşdırılan sayca 26-cı düşərgə olacaq.
Xatırladaq ki, bu yay ərzində 17 rayonda informasiya texnologiyaları düşərgələri, 3 rayonda arxeoloji düşərgələr, Bakıda “Gənclərin Tolerantlıq Məktəbi” adlı beynəlxalq düşərgə, Lənkəranda “Azərbaycan-Türkiyə gənclərinin dostluq düşərgəsi”, Bakıda 2 debat düşərgəsi, Qazaxda “Gənc liderlər üçün yay universiteti” keçirilib.
Keçirilən düşərgələrdə ümumilikdə 3 mindən artıq gənc iştirak edib