Azərbaycanla Fransa arasında müxtəlif sahələrdə, o cümlədən siyasi sahədə əlaqələrin yüksək səviyyədə olduğu bildirilib, bu səfərin ikitərəfli münasibətlərin inkişafı baxımından xüsusi önəm daşıdığı qeyd edilib.

Ermənistan-Azərbaycan münaqişəsinin həlli ilə bağlı proseslərin hazırkı vəziyyətindən söhbət açılan görüşdə, regional və bir sıra beynəlxalq məsələlər ətrafında fikir mübadiləsi aparılıb.

Azərbaycan dövlət başçısı Fransa Senatının sədri Jerar Larşe ilə də görüşüb. Görüşdə parlamentlərarası əlaqələrin genişlənməsinin Azərbaycan-Fransa ikitərəfli münasibətlərinin möhkəmlənməsi işinə töhfə verdiyi vurğulanıb, parlamentlərarası əlaqələrin möhkəmlənməsində dostluq qruplarının rolu qeyd edilib.

Tərəflər Ermənistan-Azərbaycan münaqişəsinin həlli ilə bağlı danışıqlar və regional məsələlər ətrafında fikir mübadiləsi aparıblar. 

Səfər çərçivəsində Azərbaycan prezidentinin Fransa Sahibkarlar Təşkilatına - MEDEF-ə üzv olan iş adamları ilə də görüşü olub.

Bununla da, səfər başa çatıb. Azərbaycan prezidentini Parisin “Orli” Beynəlxalq Hava Limanından Fransanın yüksək vəzifəli dövlət və hökumət nümayəndələri yola salıblar.

Dövlət başçısı dekabrın 9-da axşam Bakıya qayıdıb.