Azərbaycan paytaxtında yük maşını ilə minik avtomobili toqquşub, ölən və xəsarət alanlar var. Bu barədə APA-ya Bakı şəhər Baş Polis İdarəsindən məlumat verilib.

Ötən gün Z. Bünyatov prospektində 1962-ci il təvəllüdlü Qaybəliyev Süleyman Allahverdi oğlunun idarə etdiyi “Mercedes” markalı, 90 JL 157 dövlət nömrə nişanlı yük avtomaşını yolun əks istiqaməti ilə hərəkət edən, 1968-ci il təvəllüdlü Nəzərov Asif Sabir oğlunun idarə etdiyi “VAZ-2106” markalı, 10 GV 750 dövlət nömrə nişanlı maşınla toqquşub. Nəticədə “VAZ-2106” dirəyə çırpılıb və sürücü A. Nəzərov aldığı xəsarətdən hadisə yerindəcə dünyasını dəyişib. Həmin maşında olan sərnişinlər, sürücünün həyat yoldaşı, 1976-cı il təvəllüdlü Nəzərova Cahan Akif qızı, oğlu 2005-ci il təvəllüdlü Nihad və 1975-ci il təvəllüdlü İslamova Sevda Cahangir qızı xəsarət alaraq Klinik Tibbi Mərkəzə yerləşdiriliblər. 

Faktla bağlı araşdırma aparılır.