Bu barədə APA-ya eksklüziv açıqlamasında MTRŞ sədri Nuşirəvan Məhərrəmli bildirib. Onun sözlərinə görə, bu gün ANS telekanalının və ANS ÇM radiosunun lisenziya müddətinin uzadılıb-uzadılmaması ilə bağlı iclas keçirilib. MTŞR üzvləri �Televiziya və Radio Yayımı haqqında� qanunun 22.4-cü maddəsini əsas götürərək (fəaliyyət dövründə xəbərdarlıqlar dəfələrlə olunduğu, sanksiyalar tətbiq edildiyi), ANS telekanalının və ANS ÇM radiosunun lisenziya müddətinin uzadılmaması razılığına gəliblər.

Qərara əsasən, bu gün saat 15.00-da ANS telekanalı və ANS ÇM radiosu fəaliyyətini dayandırmalıdır. MTRŞ sədri ANS-ə məxsus tezliklərin isə müsabiqəyə çıxarılacağını deyib. N.Məhərrəmli qərar yerinə yetirilmədiyi halda, bunun müvafiq güc strukturları vasitəsi ilə həyata keçiriləcəyini açıqlayıb.
ANS prezidentinin müşaviri Mais Məmmədov isə APA-ya açıqlamasında MTRŞ-nın qərarının onlara təqdim edilmədiyini deyib. Telekanala şifahi olaraq bildirilib ki, bağlanmaya səbəb ciddi nöqsanlara yol vermələridir M.Məmmədov MTRŞ-nın qərarından məhkəməyə müraciət edəcəklərini açıqlayıb. /APA/